Үздік желаяқтар анықталды

Астанадағы «Qazaqstan» жеңіл атлетика спорт кешенінде Тәуелсіздіктің 31 жылдығына орай 2006-2007 және 2008-2009 жылдары туған жасөспірімдер арасында жеңіл атлетикадан Астана қаласының ашық чемпионаты өтті.

Сайыстың ашылу салтана­тына Астана қаласы дене шы­нық­тыру және спорт басқар­масы басшысының орынба­сары Еркеғали Корбозов, жеңіл атлетика спорт түрінен мемле­кеттік жаттықтырушы Қуандық Елжанов және №9 БЖСМ бас­шы­сы Айдын Тоқбаев қатысып, спортшыларға сәттілік тіледі.

Жылды қорытындылаған айтулы сайыста жас атлетшілер 9 қашықтық пен 1 эстафета бойынша бақ сынады. Айтулы додаға Астана қаласының жеңіл атлеттері ғана емес, еліміздің Қарағанды, Солтүстік Қазақстан облысы, Теміртау, Қарағанды қаларынан келген 180-ге тарта спортшы қатысты.

Ұйымдастырушылардың ай­туынша, биылғы жарыста үздік үштіктегі спортшылар Астана қаласының құрама командасы­на іріктелініп, республикалық, халық­аралық жарыстарға қаты­суға жолдама ала алады.

Жарыстың алғашқы кезеңін­де ұлдар мен қыздар 50 метр, 400 метр, 1500 метр, ұзындыққа секіріп, спорттық снарядтарды лақтырып, сондай-ақ эстафета жарысында бақтарын сынады.

Жарыстың қорытындысы бойынша қыздар арасында ұзын­дыққа секіруде бірінші орын­ды Айдана Аяпова еншіле­се, екінші және үшінші орынға Дарья Рында мен Анна Ми­щенко жайғасты. Командалық эста­феталық жүгіру (4×200м) жарысы бойынша Қарағанды қаласының командасынан құралған спортшылар 1 сағат 42 минут 57 секунд ішінде еңсеріп бірінші болып мәре сызығын кесті. Екінші орын – Теміртау қаласының құрама командасында. Ал үздік үштікті Қарағанды қаласының екінші құрама командасы түйіндеді.

АЙЖАН ЖАСБАТЫРҚЫЗЫ