Медиафорум табыспен өтті

Алматыда еліміздің ақпараттық нарығын дамыту мәселелеріне арналған жыл сайынғы салалық медиақұрылтай өз жұмысын табыспен аяқтады.

Биылғы жиынның басты тақырыбы «Сырт­қы қауіптер мен ішкі қатер­лер дәуіріндегі медиа» деп аталды. Конференцияның ұйымдас­тырушысы әрі баста­машысы – Қазақстан Баспасөз клубы.

Chevron компаниясы, сондай-ақ Қазақстандағы Internews Network халықаралық ұйымының өкілдігі, АҚШ-тың Халықаралық даму агенттігі, «Халық банкі», «Эйр Астана» компаниясы   іс-шараға қолдау көрсетіп, серіктес болды.

Қазақстан Баспасөз клу­бының президенті, жоба­ның авторы Әсел Қара­уы­лова жиын мінберінен сөйлеген қорытынды сөзін­де: «Біз биыл 14-ші рет бас қостық. Конференцияда әріптестеріміз саланың көкейтесті мәселелерін кеңінен талқылады. Соңғы ме­диақұрылтайдан бері елі­міздің өміріне орасан зор әсер еткен оқиғалар орын алды. Бұл жағдайлар Қазақстан­ның сырттан әсер ету ықпалына осал екенін көрсетті. Жиынға қатысушылар ақпарат­тық тәуелсіздік стратегиясын әзірлеу және отандық медианың қоғам өміріне ықпалын арттыру қажет, деген ұйғарымға келді», – деп атап өтті.

ЕРНАР ОРМАНОВ