Диқандар қауымы озық үлгідегі техникаға қол жеткізе алады

Orbis Kazakhstan компаниялар тобы америкалық ірі өндіруші AGCO Corporation-мен елімізге ең заманауи ауыл шаруашылығы техникасын жеткізу және оған сервистік қызмет көрсету туралы келісімге келді. 

Салтанат ҚАЖЫКЕН

Енді қазақстандық ауыл шар­уа­шылығы өндірушілерінде Fendt, Valtra маркалы жетекші тех­­никаның толық желісіне қол­жетімділік пайда болады, бұл отандық ауыл шаруашылығы өн­дірісін техникалық қайта жарақ­тандыруда сапалы қадам жасауға мүмкіндік береді.
AGCO Corporation және «Orbis Agro Machinery» ЖШС тұлғасында «Orbis Kazakhstan» компаниялар тобы арасында дис­трибьютерлік келісімге қол қойылды. Нәтижесінде Orbis Agro Machinery Қазақстан аумағында эксклюзивті дистрибьютер болды.
Orbis Kazakhstan соңғы бір­неше жылда әлемде ауыл шаруа­шылығы техникасының негізгі жеткізушілерінің бірі AGCO корпорациясы болып табылады. Американдық өндіруші ауыл­шаруашылық жаб­дықтарын әзірлеуде, өндіруде және сатуда әлемдік көшбасшы болып табылады және бүкіл әлем бойынша 140 елде 3100-ден астам тәуелсіз дилерлер мен дистри­бьютерлер тарататын трак­тор­лардың, комбайндардың, егіс кешендерінің, бүріккіштердің, жемшөп дайындау және топырақ өңдеу жабдықтарының толық спектрін ұсынады.
Ауыл шаруашылығы – жұмыс­пен қамтылғандар саны бойынша еліміздегі екінші сала. Қазір елімізде ауылдық жерлерде халықтың 42 пайызға жуығы тұрады, бұл ретте салада 1,5 млн. адам жұмыс істейді. Қазақстан аумағы бойынша тоғызыншы орында; аумақтың шамамен 74% елде ауыл шаруашылығын жүргізуге жарамды. Енді FENDT және VALTRA техникасы Қа­зақстанда да пайдаланылатын болады, бұл агробизнесті дамытуда аграршыларға үлкен демеу болады. Бұл ауылшаруашылық техникасының негізгі артық­шылықтары – өнімділік, толық ассортимент, үнемділік, жай­лылық және жұмыстың бар­лық кезеңдерінде бақылау про­цестерінің автоматтандырылуы, сонымен қатар операторсыз бір­қатар техниканың жұмыс істеу мүмкіндігі.
Қазірдің өзінде ауыл шаруа­шылығы техникасын Алматы мен Көкшетаудан сатып алуға болады, онда FENDT және VALTRA фир­малық дилерлік орталықтары ашылды, олар сәйкесінше оңтүстік және солтүстік өңірлерді қамтиды. Егер Көкшетау қаласында кеңсенің ашылуы өңірдің бай аграрлық дәстүрлерімен байланысты болса, онда топырақтың тығыздығын және ауа-райының ерекшелігін, сондай-ақ үлкен алаңдарды ескере отырып, қуаттылығы жоғары ауыл шаруашылығы техникасы сұранысқа ие болса, онда Алматы қаласын таңдау мегаполистің жоғары іскерлік белсенділігімен байланысты. Orbis Kazakhstan компаниясы алдағы екі жылда Қа­зақ­станның барлық өңірлерінде ауыл шаруашылығы техникасын сатудың өсетініне сенімді.